На покана на Здружението на наставници по германски јазик од соседна Србија, нашето Здружение беше дел од научната конференција на тема: „Континуирано учење: кооперативно и иновативно“, која ја збогативме со своја работилница насловена како: „Одржливи примери во наставата по германски јазик: од вообичаено совладување на јазикот до негова употреба во секојдневието“.

Возбудливите работилници, подиум-дискусии и креативни проекти на колегите од соседството беа мотив повеќе да се поттикнеме на проактивност и уште повеќе да се заложиме за подигање на нивото на нашето Здружение.

Голема благодарност до Здружението на наставници по германски јазик на Србија за топлиот пречек и одлично организираниот настан!